AFFA İntizam Komitəsi Premyer Liqanın 20-ci turunda baş tutan “İmişli” – “Qarabağ” oyunundakı qayda pozuntuları ilə bağlı qərarlarını açıqlayıb.Ağdam təmsilçisinin braziliyalı yarımmüdafiəçisi Kadi Borges ciddi qayda pozuntusuna görə birbaşa qırmızı vərəqə alaraq meydandan qovulduğu üçün 2 oyunluq diskvalifikasiya edilib. Bu davranışa görə “Qarabağ” klubu 1000 manat məbləğində cərimələnib. Matçın son dəqiqələrində “Qarabağ” azarkeşlərinin pirotexniki vasitələrdən istifadə etməsi klubu əlavə maliyyə itkisi ilə üz-üzə qoyub. Bu hal cari mövsümdə 3-cü dəfə təkrarlandığı üçün İntizam Komitəsi klubu 6000 manat cərimə edib.
“Qarabağ” ümumilikdə 7000 manat ziyana düşməklə yanaşı, növbəti iki vacib qarşılaşmada aparıcı futbolçusunun xidmətindən məhrum olacaq.
