Bolqarıstanın Samokov şəhərində 17 yaşadək yeniyetmələr arasında güləş üzrə Avropa birinciliyinə start verilib. Yarışın ilk günündə ölkəmizin yunan-Roma güləşi üzrə yığma komandasının 5 üzvü xalça üzərinə çıxıb.

Gərgin keçən ilk görüşlərin nəticəsi olaraq, 5 təmsilçimizdən 4-ü – Omar Salmanov (48 kq), Qurban Məcnunov (55 kq), Orxan Həbibli (65 kq), Zəka Yusubov (80 kq) adını dörddəbir finala yazdırıb.

Ağır çəki dərəcəsində mübarizə aparan Məhəmməd Mustafayev (110 kq) isə final yolunda yarışlarını davam etdirir. Hazırda pəhləvanlarımız həlledici mərhələyə yüksəlmək və medallar uğrunda mübarizə aparmaq üçün növbəti qarşılaşmalarına hazırlaşırlar.

Avropa birinciliyi mayın 17-dək davam edəcək. Yarışın növbəti günlərində həm yunan-Roma, həm də sərbəst güləşçilərimizin çıxışları gözlənilir.