Yığma komandamızın iyun ayında keçirəcəyi yoldaşlıq oyunları üçün hazırlıqlara başlayır. Baş məşqçi Ayxan Abbasovun rəhbərlik etdiyi milli komandamız iyunun 1-dən 10-dək Macarıstanın Sombatxey şəhərində təlim-məşq toplanışında olacaq.

AFFA-dan verilən məlumata görə, toplanış çərçivəsində yığmamız iki yoldaşlıq matçı keçirəcək: iyunun 5-də Malta, 9-da isə San-Marino seçməsi ilə qarşılaşacaq.

Baş məşqçi Ayxan Abbasov bu oyunlar üçün 28 futbolçunu düşərgəyə dəvət edib. Heyət aşağıdakı kimidir.

Qapıçılar: Rza Cəfərov («Qəbələ»), Şahruddin Məhəmmədəliyev («Qarabağ»), Emil Balayev («Neftçi»).

Müdafiəçilər: Bədavi Hüseynov, Toral Bayramov, Elvin Cəfərquliyev (hamısı «Qarabağ»), Cəlal Hüseynov («Arda», Bolqarıstan), Anton Krivotsyuk («Taejon Hana», Cənubi Koreya), Rahil Məmmədov («Araz-Naxçıvan»), Elvin Bədəlov («Neftçi»), Rəhman Daşdəmirov, Tellur Mütəllimov (hər ikisi «Sabah»), Rüfət Abbasov («Şamaxı»).

Yarımmüdafiəçilər: Qismət Alıyev («Zirə»), Emin Mahmudov, Emil Səfərov (hər ikisi «Neftçi»), Səbuhi Abdullazadə («Sumqayıt»), Rahim Sadıxov, Ayxan Hüseynov (hər ikisi «Turan-Tovuz»), Mustafa Əhmədzadə («Araz-Naxçıvan»), Abdula Xaybulayev, Aleksey İsayev (hər ikisi «Sabah»).

Hücumçular: Rüstəm Əhmədzadə («Sumqayıt»), Vüsal İsgəndərli («Partizani», Albaniya), Xəyal Əliyev («Sabah»), Nəriman Axundzadə («Kolambus Kru», ABŞ), Mahir Emreli («Kayzerslautern», Almaniya), Renat Dadaşov («Motor», Polşa).

Qeyd edək ki, komandamız hazırlıq prosesi zamanı taktiki-texniki çalışmalarla yanaşı, nəzərdə tutulan hər iki yoxlama oyununda heyəti sınaqdan keçirəcək.