Avropa Konfrans Liqasında 1/4 final mərhələsinin cavab oyunları yadda qalan hadisələrlə yekunlaşdı. “Şaxtyor” “AZ Alkmaar” səddini inamla keçdi.İki görüşün nəticəsinə görə rəqibini 5:2 hesabı ilə məğlub edən Arda Turanın komandası yarımfinalına vəsiqə qazandı.
Bu, “mədənçilər”in Avrokubokda dördüncü yarımfinalıdır. Qeyd edək ki, “Şaxtyor” bundan əvvəl üç dəfə UEFA Kuboku/Avropa Liqasında bu mərhələyə yüksəlib.
Fransanın “Strasbur” klubu öz meydanında “Mayns” qarşı əsl iradə nümayiş etdirdi. İlk oyundakı məğlubiyyətin əvəzini çıxmaq üçün hücuma atılan fransızlar, artıq birinci hissədə iki topun əvəzini çıxara bildilər. Matçın ikinci hissəsində Barqonun qazandığı penalti ilə fərqi artırmaq şansı yaransa da, Emeqa qapıçı Batsa ilə dueldan məğlub ayrıldı. Lakin meydan sahiblərinin köməyinə Ensiso yetişdi, o, Qodonun sağ cinah ötürməsini qola çevirərək “Strasbur”u tarixində ilk dəfə Avrokubok yarımfinalına daşıdı. Yeri gəlmişkən, penaltini qaçıran Emeqa daha sonra oyun epizodundan qol vuraraq azarkeşlərin könlünü almağı bacardı.
Yunanıstanın AEK klubu İspaniyadakı 0:3 hesablı ağır məğlubiyyətdən sonra möcüzəyə çox yaxın idi. Tribunaların coşqusu ilə “Rayyo Valyekano”nu öz qapısına sıxışdıran AEK, Zini və Marinin qolları ilə “möcüzə”nin qapısını araladı. Ancaq Palasonun cərimə meydançasının kənarından vurduğu dəqiq zərbə yunanların bütün xəyallarını alt-üst etdi.
“Fiorentina” ilə cavab oyununa 3 qollu üstünlüklə yollanan “Kristal Pelas”, Sarrın qolu ilə vəziyyəti daha da rahatlaşdırıb. “Bənövşəyilər” Qudmundsson və Ndurun uzaq məsafəli möhtəşəm qolu ilə geri dönməyə çalışsalar da, bunu bacarmadılar.
Konfrans Liqasında finala gedən yolda “Şaxtyor” “Kristal Pelas”la “Rayyo Valyekano” isə “Strasbur”la qarşılaşacaq. Yarımfinal oyunları aprelin 30-u və mayın 7-də keçiriləcək.
Konfrans Liqası. 1/4 final, cavab oyunları
Alkmaar (Niderland) – Şaxtyor (Ukrayna) 2:2
Yensen, 73. Sin, 80 – Alisson, 58. Meyrelliş, 84.
İlk oyun – 0:3
AEK (Yunanıstan) – Rayo Valekano (İspaniya) 3:1
Zini, 13; 51. Marin, 36-pen. – Palason, 60.
İlk oyun – 0:3
Strasbur (Fransa) – Maynts (Almaniya) 4:0
Nanasi, 26. Uattara, 35. Ensiso, 69. Emeqa, 74.
İlk oyun – 0:2
Forentina (İtaliya) – Kristal Pelas (İngiltərə) 2:1
Qudmundsson, 30-pen. Nudur, 53 – Sarr, 17
İlk oyun – 0:3