2025/2026 mövsümünün başa çatması İtaliya futbolu üçün şok bir nəticə ilə yadda qaldı. A Seriyasında mövsümün yekun cədvəlinə əsasən, nəhəng klublar “Milan” və “Yuventus” Çempionlar Liqasına vəsiqə qazana bilməyib. Bu, 1991-ci ildən bəri İtaliya futbol tarixində ilk dəfədir ki, hər iki nəhəng klub eyni vaxtda qitənin ən nüfuzlu klub turnirindən kənarda qalır. Son turda qeydə alınan nəticələr hər iki komanda üçün həlledici oldu. “Yuventus” “Torino” ilə heç-heçə (2:2) edib, “Milan” isə gözlənilmə “Kalyari” məğlub olub (1:2). Nəticədə hər iki komanda isə mövsümü Avropa Liqasına vəsiqə verən pillələrdə başa vurub.
2026/2027 mövsümündə Çempionlar Liqasında İtaliyanı “İnter”, “Napoli”, “Roma” və “Komo” təmsil edəcək. Çempionlar Liqasının formatı dəyişdikdən və müasir sistemə keçidən sonra, bu iki klubdan ən azı biri mütəmadi olaraq turnirdə iştirak edirdi. Bu mövsüm qeydə alınan nəticə İtaliya futbolunun “nəhəngləri” üçün həm tarixi prestij, həm də maliyyə baxımından ağır zərbə hesab olunur.