Avrokubokların birinci təsnifat mərhələsinin ilk oyunları ölkə futbolu tarixinə ən uğurlu həftələrdən biri kimi düşüb. Peşəkar Futbol Liqasının (PFL) məlumatına görə, qitəmiqyaslı turnirlərdə ölkəmizi təmsil edən hər üç klub mövsümə qələbə ilə başlayıb.

Avropa Liqasında “Qarabağ” İslandiyanın “Vestri” klubunu, Konfrans Liqasında isə “Sabah” Uels “Nyu-Sents”ini (2:0), “Zirə” isə Gürcüstan “Torpedo”sunu (3:0) eyni – 3:0 hesabı ilə darmadağın edib.

Bu, klublarımızın avrokuboklar tarixində eyni həftədə ən azı 3 oyun keçirib yüz faizlik nəticə göstərdiyi ikinci hadisədir. Analoji uğur ilk dəfə 13 il əvvəl – 2013-cü il iyulun 11-də qeydə alınmışdı. Həmin vaxt Avropa Liqasında “İnter” (Bakı), “Qarabağ” və “Xəzər Lənkəran” rəqiblərini qol buraxmadan məğlub etmişdilər. Lakin cari mövsümdəki göstərici top fərqinə görə tarixi rekordu yeniləyib. Belə ki, 2013-cü ildə qapısını toxunulmaz saxlayan klublarımız ümumilikdə 4 qol vurmuşdusa, bu dəfə təmsilçilərimiz rəqib qapılarından ikiqat çox – 8 top keçirərək möhtəşəm bir qrafik çəkiblər.