Cırtdan ölkənin mundiala vəsiqə qazanması futbol tarixinin ən böyük sensasiyalarından biri sayılır. Odur ki, “cırtdanlar”ın bundan artığını edəcəyini, DÇ-də adlı-sanlı rəqibləri ilə oyunlarda da sensasiya edəcəyini gözləmək sadəlövhlük olardı. Lakin oyunun əvvəlində Kürasao millisi az qala hər kəsi tərəddüdə soxmuşdu. Almanların erkən qolundan sonra hər kəs darmadağının başlandığını zənn etsə də, kürasaolular 21-ci dəqiqədə gözlənilmədən cavab topunu vuraraq tribunaları təəccübləndirdi. Ada dövləti yəqin ki, mundial tarixində ilk qolun bayram şənliklərinə başladı. Noyerə qol vurmaq Kürasao üçün böyük hadisə sayılmalıdır. Lakin tezliklə almanlar sensasiyanın olmayacağı anonsunu verdi və fasiləyə qədər iki top fərqi yaratdı. İkinci hissə də almanlar durmadan hücuma keçərək böyük hesablı qələbəni təmin etdi. Kürasao isə gözlənildiyi kimi uduzsa da, bayramı korlamadılar. Maraqlıdır ki, ikinci hissənin gedişində vaxtilə “Sabah”ın formasını geyinmiş Marqarita meydana çıxdı. O, 2023-24 mövsümündə Bakı klubunun heyətində 18 oyun keçirib. Marqarita oyunda təhlükəli zərbə ilə yadda qaldı.

E qrupu, 1-ci tur

Almaniya – Kürasao 7:1

Hyuston. NRG stadionu.

Almaniya: Noyer, Kimmix (Anton, 83), Tah (Rüdiger, 73), Şlotterbek, Braun (Raum, 73), Nmeça (Qoretska, 73), Pavloviç, Sane, Musiala (Undav, 64), Virts, Haverts.

Kürasao: Room, Obispo, Bazoer, Floranus, Fonville, L. Bakuna, Komenensiya, J. Bakuna, Çonq (Kastaneer, 83), Hansen (Antonisse, 46), Lokadia (Marqarita, 65).

Qollar: Nmeça, 6. Şlotterberk, 38. Haverts, 45+5-p; 88. Musiala, 47. Braun, 68. Undav, 78 – Komenensiya, 21.