Ölkə çempionatının II Liqasında mübarizə aparan “Xankəndi” klubunun yeni baş məşqçisi müəyyənləşib. Klubun mətbuat xidmətinin yaydığı məlumata görə, komandanın sükanı Zaur Hacıyevə tapşırılıb. O, bu vəzifədə İbrahim Uzuncanı əvəzləyib.
Yeni baş məşqçinin təcrübəsi və keçdiyi yol kifayət qədər zəngindir. UEFA-nın “B” kateqoriyalı məşqçi lisenziyasına sahib olan Z.Hacıyev uzun illər “Qəbələ” Futbol Akademiyasında çalışıb və müxtəlif yaş qrupları ilə ölkə çempionatlarında uğurlar qazanıb.
“Qəbələ”nin U-19 komandasının baş məşqçisi kimi ölkəmizi UEFA Gənclər Liqasında təmsil edib. Zaur Hacıyev “Xankəndi”yə gəlməzdən əvvəl “Karvan” (Yevlax) klubunda köməkçi məşqçi vəzifəsini icra edib.