“Qəbələ” – “Sabah” qarşılaşması ilə Premyer Liqanın 20-ci turuna yekun vuruldu. Çempionluq uğrunda gərgin mübarizə aparan “bayquşlar” çətin Qəbələ səfərindən vacib 3 xalla dönərək liderliyini qorudu.
Gərgin keçən oyunun taleyini ikinci hissədə vurulan yeganə qol həll etdi. Matçın 54-cü dəqiqəsində Xəyal Əliyev rəqib qapısına yol taparaq Valdas Dambrauskasın komandasına qələbə qazandırıb. Meydan sahiblərinin cəhdlərinə baxmayaraq, paytaxt təmsilçisi üstünlüyü sona qədər saxlayaraq turnir cədvəlindəki mövqeyini daha da möhkəmləndirib.
QƏBƏLƏ – SABAH 0:1 (0:0)
Qol: X. Əliyev, 54 (0:1)
Baş hakim: Rauf Cabbarov.
“Qəbələ”: Rza Cəfərov, Murad Musayev (k) (Paulo Kimbila, 82), Nuqay Rəşidov (Turan Manafov, 61), Şahin Şahniyarov (Sambu Sissoko, 61), Eşqin Əhmədov (Nicat Əliyev, 61), Ismahil Akinade, Seydina Keyta, Xayme Syerra, İsaak Amoa, Domi Massumo (İbrahim Sanqare, 82), Prins Ovusu
“Sabah”: Stas Pokatilov (k), Aleksey İsayev (Zinedin Uld-Xalid, 81), Xəyal Əliyev (Stiven Ende, 81), Velko Simiç, İqor Noqeyra, Akim Zedadka, Stiv Solve, Timoteuş Puxaç, İvan Lepinitsa, Umarəli Raxmonaliyev, Aaron Maluda
Sarı vərəqə: Sissoko, 82.