“Şəfa” futbol klubu müdafiə xəttini yeni oyunçu ilə gücləndirib. Komanda qambiyalı müdafiəçi Maudo Lamin Jarjue ilə 2 illik müqavilə imzalayıb.
28 yaşlı futbolçu üçün çempionatımıza yad deyil. O, daha əvvəl ölkəmizdə “Səbail”in uğurları üçün çalışıb.
Peşəkar karyerasına Portuqaliyanın “Jil Visente” klubunda başlayan Jarjue, fərqli illərdə Avropanın bir sıra tanınmış komandalarında – “Austriya” (Vyana, Avstriya), “Elfsborq” (İsveç), “Slovan” (Bratislava, Slovakiya), “Sandefyord” (Norveç) və “Struqa”da (Şimali Makedoniya) çıxış edib.
Təcrübəli müdafiəçi Qambiya millisinində şərəfini qoruyub və yığmanın heyətində 2 oyunda meydana çıxıb.