Sabah “Qarabağ”la UEFA Çempionlar Liqasının pley-off mərhələsində cavab oyununa çıxacaq “Ferentsvaroş”un Robbi Kin oyuna motivasiya ilə çıxacaqlarını söyləyib. İlk matçda adi səhvlərə yol verdiklərini etiraf edən irland mütəxəssis ağdamlıların bu fürsətdən ustalıqla istifadə edərək qələbə qazandıqlarını bildiirb.
Maraqlıdır ki, macarlar bu gün Bakıda məşqəçıxmayıblar. Bunun səbəbini Kin belə izah edib: “ Biz daim öz stadionumuzda məşq edirik. Bəlkə bəziləri düşünür ki, bütün stadionlar eynidir, amma biz həmişə öz meydanımızda çalışaraq səfərə gedirik və bu, oyunumuza müsbət təsir edir”. Robbi Kin Budapeştdəki 1:3 hesablı məğlubiyyətə baxmayaraq cavab oyununda hər şeyin ola biləcəyini və qələbə qazanacaqlarını da istisna etməyib: “Uzun müddətdir futboldayam. Futbolda hər şey mümkündür. “Liverpul”da olarkən 0:3 hesabı ilə geridə olduğumuz halda hesabı bərabərləşdirə bilmişdik. Geridönüş edərək, 3:2, 4:2 hesabı ilə qalib gəldiyimiz hallar da olub. Sabah da hər şey ola bilər”.