UEFA-nın rəsmi saytı Çempionlar Liqası və Avropa Liqasının təsnifat mərhələsində mövsümün start matçlarının yekunlarını şərh edib. Qurumun dərc etdiyi materialda Azərbaycan təmsilçiləri “Sabah” və “Qarabağ”ın qazandığı qələbələr xüsusi vurğulanıb.
Məqalədə Masazırda Uelsin “Nyu-Seynts” klubuna 2:0 hesabı ilə qalib gələn “Sabah”ın uğuru belə dəyərləndirilib: “Ötən mövsüm tarixində ilk dəfə Azərbaycan çempionu adını qazanan “Sabah” daha bir tarix yazaraq Çempionlar Liqasında ilk qələbəsini rəsmiləşdirib. Komanda öz meydanında Uels ‘Nyu-Seynts’ini iki cavabsız qolla üstələyib”.