Azərbaycan Premyer Liqasında XXI turdan təxirə salınmış “Neftçi” – “Qarabağ” qarşılaşmasının hakim briqadası açıqlanıb. Peşəkar Futbol Liqasının (PFL) məlumatına görə, mövsümün ən maraqlı oyunlarından biri olan bu derbi Kamranbəy Rəhimova həvalə edilib. Ona yan xətt hakimləri qismində Rəhman İmami və Müslüm Əliyev kömək edəcəklər. Dördüncü hakim funksiyasını isə Rəşad Əhmədov yerinə yetirəcək. Matçın kritik qərarları üçün VAR otağında Elçin Məsiyev, AVAR-da isə Elşad Abdullayev əyləşəcək.
Aprelin 30-da “Palms Sports Arena”da baş tutacaq paytaxt derbisi saat 20:00-da start götürəcək.