Azərbaycan karate yığmasının kapitanı İrina Zaretska (-68 kq) növbəti uğuruna imza atıb. 3 qat dünya çempionumuz Dünya Karate Federasiyasının (WKF) yenilənmiş reytinq cədvəlində mövqeyini daha da yaxşılaşdırıb.
Aktivində 5355 xal olan Zaretska 3-cü pillədən 2-ci sıraya yüksəlib. İndi onun hədəfində yalnız bir rəqib var – 5760 xalla zirvədə qərarlaşan fransalı Taliya Sombe. Təəssüf ki, yenilənmiş ilk “onluq”da “milli”mizin digər üzvləri yer ala bilməyib.
Reytinqdəki bu sıçrayış qarşıdan gələn Avropa çempionatı öncəsi böyük motivasiyadır. Zaretskanın da liderlik edəcəyi yığmamız mayın 20-24-ü aralığında Almaniyanın Frankfurt şəhərində keçiriləcək qitə birinciliyində iştirak edəcəklər.