Şahmat üzrə ölkə çempionatında yarımfinal mərhələsinə yekun vurulub.
Kişilər arasında keçirilən yarışda ikinci finalçının adına aydınlıq gəlib. Turnirin reytinq favoriti Şəhriyar Məmmədyarov gərgin keçən tay-brek qarşılaşmasında Aydın Süleymanlını məğlub edərək həlledici mərhələyə vəsiqə qazanıb.
Beləliklə, çempionluq uğrunda keçiriləcək final görüşündə Şəhriyar Məmmədyarov Məhəmməd Muradlı ilə üz-üzə gələcək. Yarımfinalda məğlub olan Aydın Süleymanlı isə bürünc medal uğrunda Read Səmədovla mübarizə aparacaq.
Qadınların mübarizəsində həlledici anlar Xatırladaq ki, qadınlar arasında Azərbaycan çempionu adı uğrunda Ülviyyə Fətəliyeva və Ayan Allahverdiyeva qarşılaşacaqlar. 3-cü uğrunda görüşdə isə Gülnar Məmmədova və Türkan Məmmədyarova güclərini sınayacaqlar.