“Barselona”nın braziliyalı vingeri Rafinyanın ailəsində ciddi maliyyə böhranı yaşanır. Portal LeoDias-ın məlumatına görə, futbolçunun atası onun reklam gəlirlərinin 80%-nə və maaşının mühüm hissəsinə nəzarət edirmiş.

Bu gizli məqam Rafinya və həyat yoldaşının Barselonada 10 milyon avro dəyərində malikanə almaq istəyərkən hesablarında kifayət qədər vəsaitin olmadığını görməsi ilə üzə çıxıb.

Mövcud durum futbolçunun xanımının kəskin etirazına səbəb olub və ata ilə oğul arasındakı maliyyə şərtlərinin yenidən nəzərdən keçirilməsi ilə nəticələnib. Bu hadisədən sonra ulduz futbolçunun ailəsində parçalanma yaranıb və tərəflər hazırda davamlı münaqişə vəziyyətindədir.