“Araz-Naxçıvan” heyətini növbəti legionerlə gücləndirib. Naxçıvan təmsilçisi qvineyalı dayaq yarımmüdafiəçisi Mamadu Kane ilə 1 illik müqavilə imzalayıb.
29 yaşlı futbolçu karyerası ərzində “Satelit”, “Kalum”, “Qanqan”, “Neftçi”, “Olimpiakos”, “Rodina Moskva”, “Auda” və “Etnikos” kimi klubların şərəfini qoruyub. Onun son komandası originates Kiprin “Pafos” kollektivi olub. Qvineya millisinin heyətində 19 oyuna çıxan təcrübəli yarımmüdafiəçi 5 qolla yaddaqalıb.
Xatırladaq ki, yay transfer pəncərəsində xüsusi fəallığı ilə seçilən “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera, Rövlan Muradov, İssouf Paro, Bruno Franko, Artur Auqusto Da Silva, Mara Mohamed, Abdallah Sudi, Mustafa Əhmədzadə və Luka Dumançiç kimi futbolçuları da heyətinə cəlb edib.