Premyer Liqanın 19-cu turunda “Araz-Naxçıvan”ı 4:1 hesabı ilə məğlub edən “Sabah” əlamətdar yubileyini qeyd edib. Bu, Valdas Dambrauskasın yetirmələrinin çempionat tarixində qazandığı 50-ci qələbə olub.
Masazır təmsilçisi bu nəticəyə 115-ci qarşılaşmasında imza atmaqla, ölkə çempionatlarında 50 qələbə həddinə çatan 18-ci klub kimi tarixə düşüb.
Xatırladaq ki, “bayquşlar” elitadakı ilk qələbəsini 2018-ci il sentyabrın 16-da “Qəbələ” üzərində (1:0) qazanıblar.