Afrika Kubokundakı qələbə Seneqal millisinə baha başa gələcək. Qitə turnirinin finalında yaşanan insidentə görə DÇ-2026-ya optimal heyətlə getməyə bilər. Mərakeşlə finalda hakimin qərarına etiraz olaraq meydanı tərk edən seneqallıların bir sıra oyunçu və məşqçilərini diskvalifikasiya gözləyir və bu cəzalar birbaşa DÇ–2026-nın qrup mərhələsinə şamil oluna bilər.
Bununla yanaşı Seneqalı 100 min avroya qədər cərimə və azarkeş davranışlarına görə əlavə sanksiyalar gözləyir. FIFA prezidenti Canni İnfantino baş verənləri “qəbuledilməz” adlandırıb. Qalibləri adətən mühakimə etmirlər, lakin protokolda “meydanı tərk etmək” qeyd olunubsa, bu, artıq “qırmızı zona” deməkdir.