“Real” rəsmi internet saytında Xabi Alonsonun baş məşqçi postunu tərk etdiyini elan edib. Bəyanatda bildirilir ki, tərəflər ayrılıq qərarını qarşılıqlı razılıq əsasında veriblər. “Kral klubu” Alonsonu klubun əfsanəsi adlandırıb və “Real”ın hər zaman onun evi olacağını vurğulayıb. Bundan əlavə, klub rəhbərliyi Xabi Alonsoya göstərdiyi xidmətlərə görə təşəkkür edib və gələcək fəaliyyətində uğurlar arzulayıb. Alonsonun “Real”dakı son oyunu Səudiyyə Ərəbistanında keçirilən İspaniya Superkubokunun finalı olub. Həmin qarşılaşmada “qaymaqlılar” “Barselona”ya 2:3 hesabı ilə məğlub olublar.
