Renat Dadaşov “Motor”un düşərgəsinə dönüb
Ancaq gələcəyi qeyri-müəyyən olaraq qalır
Millimizin hücumçusu Renat Dadaşov qısa tətildən sonra Polşanın “Motor” klubuna qoşulub. Klub tərəfindən transfer siyahısına salınmasına baxmayaraq, hələlik heç bir komanda ilə razılığa gələ bilməyən 25 yaşlı forvard Lublin təmsilçisi ilə hazırlıqlara başlayıb. O, artıq komandanın mövsümün ikinci yarısı üçün nəzərdə tutulan ilk məşqində iştirak edib.
Qeyd edək ki, “Motor” yanvarın 10-da Türkiyənin Antalya bölgəsinə toplanışa yollanacaq. Lakin transfer pəncərəsi bağlanana qədər klubdan ayrılma ehtimalı olduğu üçün Renatın Türkiyə səfərində yer alıb-almayacağı sual altındadır.
