“Milan” və dünya futbolunun əfsanəvi siması Paolo Maldini, Venesuela prezidenti Nikolas Maduro və həyat yoldaşının ABŞ-ın hərbi əməliyyatı nəticəsində ələ keçirilməsi xəbərinə münasibət bildirdirib.
Sabiq müdafiəçi sosial şəbəkə hesabında bu hadisə ilə bağlı video paylaşaraq, “27 illik diktaturadan sonra… Venesuela azaddır” sözlərini qeyd edib.
Xatırladaq ki, Maldinini bu ölkəyə bağlayan sıx ailə telləri mövcuddur. Venesuela vətəndaşlığı daşıyan əfsanəvi futbolçu, bu ölkədə doğulmuş keçmiş model Adriana Fossa ilə evlidir. Cütlüyün bütün övladları da valideynləri kimi həm İtaliya, həm də Venesuela vətəndaşlığına sahibdirlər.