“Fiorentina”da futbolçuların arasında səs-küylü münaqişə baş verib. Bu barədə insayder Flavio Onyissanti sosial şəbəkələr vasitəsilə məlumat yayıb.

Mənbənin məlumatına görə, klubun düşərgəsində adları açıqlanmayan oyunçular arasında dava olub. Futbolçuların bir qismi “bənövşəyilər”i tərk etməyə hazırdır və agentlərinə onlara başqa iş yeri tapmaq barədə tapşırıq veriblər.

Qeyd edək ki, “Fiorentina” İtaliya çempionatının cari mövsümündə uğursuz çıxış edir. Florensiya təmsilçisi A Seriyasında hələ bir qələbə belə qazanmayıb və altı xalla turnir cədvəlinin sonuncu pilləsində qərarlaşıb. “Bənövşəyilər” növbəti oyununu dekabrın 21-də “Udineze”yə qarşı keçirəcəklər.