FİFA İntizam Komitəsi Kriştiano Ronaldonun işi ilə bağlı qərar verib. Söhbət İrlandiya ilə DÇ-2026-nın seçmə oyununda hücumçunun rəqibinə dirsəklə zərbə endirdiyinə görə qırmızı vərəqə almasından gedir. Mediada yekdilliklə FİFA-nın Ronaldonu bir oyunluq diskvalifikasiya etdiyi iddia olunur. Qalan iki diskvalifikasiya matçı isə şərti xarakter daşıyır.
Beləliklə, portuqaliyalı seçmə mərhələnin son turunda Ermənistanla oyunu buraxmaqla cəzasını çəkmiş olur. Bununla da Kriştiano gələn ilin yayında keçiriləcək mundialın ilk oyununa çıxmaq hüququ qazanıb.
