Kilian Mbappe PSJ-dən 55 milyon avro ödəməyi tələb edir. Fransa millisinin ulduzu bunun indiyədək ödənilməyən üç aylıq maaşı və bonusların olduğunu bildirib. Bu səbəbdən o, məsələni məhkəmə yolu ilə çözmək qərarına gəlib.
  
“Le Parisien” nəşrinin yaydığı xəbər görə, “Real”ın hücumçusu məhkəmə iclasında yeni bir açıqlama verməyi planlaşdırır. Nəşr iddia edir ki, o,  indi PSJ-dən 55 yox 240 milyon avro tələb edəcək. Mbappe bu məbləğə onun 2024-cü ilin yayında PSJ-dən ayrıldıqdan sonra dəyən ziyan və itkilərin faizini də əlavə edir.

PSJ bossları da öz növbəsində sakit oturmaq fikrində deyil və futbolçudan əhəmiyyətli maliyyə təzminatı tələb etmək niyyətindədir. Nəşr parislilərin Kiliandan 2017-ci ildə onun üçün “Monako”ya ödədikləri 180 milyon avronu qaytarmasını istəyəcəklər. PSJ rəhbərliyi Mbappeni yalan danışmaqda ittiham edir.