FİFA Azərbaycan və Özbəkistanın U-20 futbol üzrə dünya çempionatının keçirilməsi üçün təqdim etdiyi birgə ərizəni müsbət qiymətləndirib.
2027-ci ildə yarış iki ölkədə baş tutacaq. Bu qərar bu gün Sürixdə keçirilən FİFA Şurasının iclasında qəbul olunub.
Azərbaycan və Özbəkistan yığmaları ev sahibi qismində avtomatik olaraq dünya çempionatının iştirakçısı olacaqlar.
Bu, U-20 üzrə 25-ci dünya çempionatı olacaq (2005-ci ilə qədər turnir gənclər arasında dünya çempionatı adlanırdı). Hazırda isə 24-cü U-20 dünya çempionatı Çilidə keçirilir. Turnirdə 24 komanda iştirak edir.