“Yuventus”un və “Borussiya” Dortmundun baş məşqçiləri – İqor Tudor və Niko Kovaç 25 il əvvəl Çempionlar Liqasında futbolçu kimi də bir-birinə qarşı 4:4 hesablı oyun keçiriblər.
Xatırladaq ki, 16 sentyabr Çempionlar Liqasının 2025/26 mövsümünün ilk turunda “Yuventus” evdə Dortmund təmsilçisi ilə 4:4 hesablı heç-heçə edib. Turin klubu hesabda 2:4 geridə olmasına baxmayaraq, ikinci hissənin əlavə olunmuş dəqiqələrində məğlubiyyətdən qurtula bilib.
Maraqlıdır ki, 25 il əvvəl – 13 sentyabr 2000-ci ildə “Yuventus” Çempionlar Liqasında başqa bir Almaniya klubu – “Hamburq”la da 4:4 hesablı heç-heçə oynamışdı.
Həmin görüşdə həm Tudor, həm də Kovaç iştirak etmişdi. Hər ikisi həmin görüşdə qol vurmuşdu.