Braziliya millisi 2026-cı il Dünya Çempionatının 1/8 final mərhələsində Norveçə 1:2 hesabı ilə məğlub olaraq titul uğrunda mübarizəni erkən dayandırdı! Oyun “pentakampeonlar” üçün həyəcanlı başladı. Artıq 3-cü dəqiqədə Alisson Beker Bergin dirəyin altına göndərdiyi dəqiq zərbədən sonra topu qapısından çıxarmağa məcbur oldu. Lakin Serlot ofsaydda olduğu üçün qol ləğv edildi. Oyunun davamı Karlo Ançelottinin komandası üçün məyusedici alındı. Cənubi amerikalılar oyunu bir qədər Alissonun qapısından uzaqlaşdırdıqdan sonra Braziliya penalti qazandı, lakin bu imkandan yararlana bilmədi. Vinisius Junior zərbəni özü vurmaq əvəzinə bu fürsəti Bruno Qimaraynsa verdi, lakin onun sağ küncə göndərdiyi topu Nyulann dəf etdi.
Fasiləyə qədər qarşılıqlı hücumlarla keçən oyunda hər iki komanda qol vurmaq şanslarını əldən verdi. Qabriel Martinelli və Vinisius norveçlilərin cərimə meydançasının sol cinahından Nylannı məyus edə bilmədilər. Digər tərəfdə isə şimallıların heyətində qola ən yaxın olan futbolçu Martin Odeqaard idi.
İkinci hissədə skandinavların üstünlüyü daha da nəzərə çarpdı. Hesab hələ açılmamışkən Braziliyanın cəmi 5 dəqiqəlik fəal dövrü oldu: Endrik təkbətək fürsəti boşa verdi, Rayan isə qapıçının olduğu nöqtəyə zərbə endirdi. Lakin ümumilikdə Norveçin üstünlüyü şübhə doğurmurdu. Əvəzetmədən meydana çıxan Andreas Şelderup Haaland üçün məhsuldar ötürmələr etdi. Əvvəlcə “Benfika”nın futbolçusu Norveçin 9 nömrəsinə dəqiq hava ötürməsi verdi və Haaland hesabı açdı. Əsas vaxtın son dəqiqəsində isə Şelderupun aşağıdan ötürməsindən sonra Haaland dublunu rəsmiləşdirdi.
Braziliya üçün yeganə təsəlli Neymarın Kazemironun qazandırdığı penaltini dəqiq yerinə yetirməsi oldu.
1/4 finalda Norveç millisi Meksika–İngiltərə qarşılaşmasının qalibi ilə üz-üzə gələcək. Braziliya isə Dünya Çempionatlarının pley-off mərhələsində ardıcıl yeddinci dəfə Avropa təmsilçisinə məğlub oldu.
Dünya Kuboku, 1/8 final
Braziliya – Norveç 1:2
İst-Raterford. “Metlayf” sradionu. 80663 tamaşaçı.
Braziliya: Alisson, Dnilo, Markinyos, Qabriel, Duqlas Santos, Rayan (Danilo Santos, 67), Kazeimor, Bruno Qimarayns (Ederson, 78), Martinelli (Neymar, 67), Kunya (Endrik, 58), Vinisius.
Norveç: Nyulann, Ryuerson (Eyursners, 63),Heggem, Ayer, Volfe (Estiqor, 90+5), Edeqor, Berge, Berq, Serlot (Şelderup, 46), Haaland, Nusa (Bobb, 46).
Qollar: Haaland, 79 (0:1). Haaland, 90 (0:2). Neymar, 90+10-p. (1:2).
Bruno Qimarayns, 14-penaltini qaçırdı (qapıçı)
Sarı vərəqə: Neymar, 90+6.