Bakının “Zirə” klubu Konfrans Liqasının təsnifat mərhələsindəki vacib oyunlar öncəsi ciddi itki ilə üzləşib. “Qartallar”ın yeni transferi, braziliyalı qapıçı Maykon Kleyton məşqdə əlindən zədə alıb.
İlkin tibbi müayinənin nəticələrinə görə, zədənin dərəcəsi ciddi ola bilər. 28 yaşlı qolkiperin Gürcüstanın “Torpedo” (Kutaisi) komandasına qarşı keçiriləcək ilk mərhələnin oyunlarını buraxmaq təhlükəsi var.
“Zirə” ilə “Torpedo” arasındakı ilk qarşılaşma iyulun 8-də, cavab matçı isə iyulun 16-da baş tutacaq.
Komandanın tibbi heyəti braziliyalı legionerin iyulun 8-nə qədər sıraya dönməsi üçün bütün imkanları səfərbər etsə də, onun meydana çıxmaq şansı hazırda sual altındadır.