“Araz-Naxçıvan” heyətini yeni futbolçu ilə gücləndirib. Naxçıvan təmsilçisi ispaniyalı yarımmüdafiəçi Alberto Fernandesin transferini rəsmən açıqlayıb. Klubun mətbuat xidmətinin yaydığı məlumata görə, 26 yaşlı hücumameyilli oyunçu ilə 1 illik müqavilə imzalanıb.
Madrid “Real”ının yetirməsi olan Fernandesin son klubu Kiprin “Akritas Xlorakas” komandası olub. O, karyerası ərzində ölkəsində “Sabadell”, “Rayo Maxadaonda”, Kiprdə isə həmçinin “Omoniya 29 may” klublarının da formasını geyinib.