I qrupunda Fransa və Norveç ikinci qələbələrini qazanaraq pley-off mərhələsini təmin etdilər və indi yalnız öz aralarında qrup birincisini müəyyən etməli olacaqlar. Gözlənildiyi kimi İraq millisi Fransaya ciddi müqavimət göstərə bilmədi. Oyunun qəhrəmanı Mbappe 2 qol vuraraq Dünya Çempionatları tarixində ən yaxşı bombardir olmaq uğrunda iddiasını davam etdirdi. Messinin 18 qolu olduğu halda Mbappe qol sayını 16-ya çatdırdı və Miroslav Kloze ilə ikinci yeri bölüşür.

Norveç – Seneqal matçında da skandivavların “qol maşını” oyunun qəhrəmanı oldu. Burada daha gərgin keçən oyunda avropalıların ustalıq səviyyəsi öz işini gördü. Norveç millisi Holann kimi forvardla uzağa getməyi hədəfləyir.

Dünya Kuboku, I qrupu, 2-ci tur

Fransa – İraq 3:0
Filadelfiya. “Linkoln Faynanşl Fild” stadionu. 68324 tamaşaçı.
Hakim: Dryu Fişer (Kanada)
Fransa: Menyan, Kunde (Güsto, 84), Upamekano, Saliba, Din, Kone, Rabio, Dembele (Due, 68), Olise (Şerki, 68), Barkolya (Akliuş, 83), Mbappe (Türam, 90+1).
İraq: Basil, Hesseyn Ali, Tahsin (Sulaka, 60), Haşim, Doski, Al-Ammari (Şer, 68), Kasem, Zahid İsmail (Amin, 60), İkbal, Bayeş (Farci, 68), Aymen Hüsseyn (Al-Hamadi, 26).
Qollar: Mbappe, 14; 54. Dembele, 66.
Sarı vərəqə: Al-Ammari, 6.

Norveç – Seneqal 3:2
İst-Raterfor. “Metlayf” stadionu. 80663 tamaşaçı.
Norveç: Nyulann, Ryuerson (Pedersen, 13), Ayer, Heggem (Estoqor, 84), Volfe, Berge, Eursnes (Berq 46), Edeqor, Serlot (Bobb, 84), Holann, Nusa.
Seneqal: Mendi (Diav, 63), Diatta, Kalidu Kulibali (Pap Matar Sarr, 72), Nyakate, Malik Diuf (Yakobs, 54), İdrissa Geye, Paa Geye (Mbaye, 54), İsmaila Sarr, Lamin Kamara (Pate Siss, 63), Mane, Cekson.
Qollar: Pedersen, 43. Holann, 48; 58 – İs. Sarr, 53; 90+3.