“Qarabağ”ın kolumbiyalı müdafiəçisi Kevin Medina instaqram hesabında paylaşım edərək Ağdam təmsilçisinə və azarkeşlərinə vida məktubu ünvanlayıb. 33 yaşlı futbolçunun emosional müraciətində deyilir: “Həm həyatıma, həm də karyerama dərindən yön verən, məni formalaşdıran bir klubla vidalaşıram. “Qarabağ”a ilk gəldiyim gündən burada qucaq açaraq qarşılandım. Bu komandada inanılmaz peşəkarlar, zamanla dosta çevrilən komanda yoldaşları və bizi heç vaxt tək qoymayan fədakar azarkeşlər tapdım. Geridə qalan illər mənim üçün böyük bir təcrübə, gərgin əmək, unudulmaz uğurlar və inkişaf dövrü oldu. “Qarabağ” formasını geyinmək, bu loqonu təmsil etmək böyük bir şərəf və məsuliyyət idi. Mən də meydanda olduğum hər an bu etimadı sonsuz fədakarlıq, hörmət və sadiqliklə doğrultmağa çalışdım. Bu möhtəşəm yolçuluqda payı olan hər kəsə – rəhbərliyə, məşqçilər heyətinə, klubun bütün əməkdaşlarına və təbii ki, komanda yoldaşlarıma dərindən təşəkkür edirəm. Birlikdə keçirdiyimiz hər bir an ürəyimdə və yaddaşımda əbədi yaşayacaq. “Qarabağ” azarkeşlərinə isə xüsusi minnətdarlığımı bildirirəm. Həm ən gözəl günlərimizdə, həm də ən çətin anlarımızda bizə verdiyiniz dəstəyə, yazdığınız xoş mesajlara görə sağ olun. Mənə bəxş etdiyiniz sevgi və doğmalığı heç vaxt unutmayacağam. İndi karyeramda yeni bir səhifə açmaq, yeni çağırışlara addım atmaq vaxtıdır. Bu böyük klubun tarixinə adımı yazdırdığım üçün daxili bir dinclik, böyük qürur və minnətdarlıq hissi ilə ayrılıram. “Qarabağ”a yeni zirvələr, daha parlaq gələcək və ardıcıl qələbələr arzulayıram. Bu klub sadəcə bir komanda deyil, o bir tarixdir! Hər şey üçün təşəkkürlər!”