İyunun 26-28-də Çinin Tsindao şəhərində keçiriləcək “Qran-pri” turnirində iştirak edəcək Azərbaycan cüdo yığmasının ilkin heyəti bəlli olub.

Məşqçilər korpusu turnirə 12-si kişi və 7-si qadın olmaqla, ümumilikdə 19 cüdoçudan ibarət heyət cəlb edib. Millinin tərkibində kişilərdən Əhməd Yusifov və Balabəy Ağayev (hər ikisi 60 kq), Ruslan Paşayev və Tofiq Məmmədov (hər ikisi 66 kq), Hidayət Heydərov və Rəşid Məmmədəliyev (hər ikisi 73 kq), Zelim Tskayev (81 kq), Murad Fətiyev və Aslan Kotsoev (hər ikisi 90 kq), Zelim Kotsoev (100 kq), eləcə də Uşanqi Kokauri və Camal Həmzətxanov (+100 kq) yer alıblar. Qadınların heyətində isə Könül Əliyeva, Şəfəq Həmidova, Gültac Məmmədəliyeva və Leyla Əliyeva (hamısı 52 kq), Fidan Əlizadə (63 kq), Südabə Ağayeva (70 kq) və Mədinə Kaysinova (+78 kq) mübarizə aparacaqlar.Yığmamız Çin səfərindən öncə, iyunun 19-21-də Monqolustanın Ulan-Bator şəhərində təşkil olunacaq “Böyük Dəbilqə” (Grand Slam) turnirində də gücünü yoxlayacaq. Azərbaycan cüdo federasiyası bu yarışa da 19 nəfərlik heyət göndərməyi planlaşdırır.