Azərbaycan Voleybol Federasiyası həm kişi, həm də qadın voleybolçular arasında Yüksək Liqanın həlledici oyunlarının proqramını açıqlayıb. Mövsümün ən gərgin və maraqlı qarşılaşmaları aprelin 18-i və 19-da baş tutacaq.

Voleybol üzrə ölkə çempionatlarında növbəti mövsüm başa çatır. Hər iki liqada həm bürünc medal, həm də çempionluq titulu uğrunda baş tutacaq duellərin vaxtı və tərəfləri dəqiqləşib.

Aprelin 18-də voleybolsevərlərin diqqəti kişilərin Yüksək Liqasına yönələcək. Günün ilk oyununda bürünc medalların taleyi həll olunacaq. “Neftçi” və “Murov Az Terminal” kollektivləri fəxri kürsünün üçüncü pilləsi üçün üz-üzə gələcəklər.

Günün əsas hadisəsi isə saat 16:00-da start götürəcək final qarşılaşmasıdır. Mövsümün iki ən güclü komandası — “Xilasedici” və “Ordu” çempionluq kubokunu başı üzərinə qaldırmaq üçün həlledici döyüşə çıxacaqlar.

Aprelin 19-da isə qadın voleybolçular parket üzərinə çıxacaqlar. Bürünc medal uğrunda görüşdə “Milli Aviasiya Akademiyası” Gəncə təmsilçisini sınağa çəkəcək.

Axşam sessiyasında isə builki çempionatın ən böyük intriqasına son qoyulacaq. Finalda “Turan” və “DH Volley” komandaları Azərbaycan çempionu adı uğrunda mübarizə aparacaqlar.

tarix    saat                 oyunlar                                                         mərhələ

18 Aprel   13:00 “Neftçi” – “Murov Az Terminal”                kişilər (3-cü yer)

18 Aprel   16:00 “Xilasedici” – “Ordu”                              kişilər(final)

19 Aprel   13:00 “Milli Aviasiya Akademiyası” – “Gəncə”  qadınlar (3-cü yer)

19 Aprel   16:00 “Turan” – “DH Volley”                            qadınlar(final)