UEFA Konfrans Liqasının I təsnifat mərhələsində “Zirə”nin rəqibi olacaq Kutaisi “Torpedo”su transfer bazarında fəallığını davam etdirir. Xorvatiyalı yarımmüdafiəçi Dino Skorup və fransalı hücumçu Vircil Pinsonun ardından Gürcüstan təmsilçisi heyətini bolqarıstanlı legionerlə gücləndirib.
Kutaisililər 2011-2018-ci illərdə İspaniyanın “Espanyol” akademiyasında yetişən 27 yaşlı sol cinah müdafiəçisi Mateo Stamatovu rənglərinə bağlayıb. Karyerası ərzində “Levski”, “Orenburq”, “Nijni Novqorod” kimi klubların formasını geyinən Stamatovun son dayanacağı Sofiya “Sentyabr”ı olub. Müdafiəçi vaxtilə Bolqarıstanın əsas milli komandasına dəvət alsa da, debüt şansı qazanmayıb.
“Torpedo” müdafiə xəttinə daha bir diqqətçəkən takviyə edib. Gürcüstanın “Lelo” nəşrinin yaydığı məlumata görə, Danimarkanın “Vayle” klubundan ayrılan Luka Latsabidze də karyerasını Kutaisi klubunda davam etdirəcək. Tbilisi “Dinamo”sunun yetirməsi olan Gürcüstan U-21 yığmasının mərkəz müdafiəçisi, müqavilə ilə məxsus olduğu Donetsk “Şaxtyor”u tərəfindən “Torpedo”ya 1 illik icarəyə verilib.