Bütün oyun Türkiyə millisinin üstünlüyü ilə keçdi. Top və təşəbbüs “ay-ulduzlular”ların tərəfində oldu. Lakin onların ar-ardına etdiyi hücumları avstraliyalılar kütləvi müdafiə qurmaqla dəf etdilər. Üstəlik, azsaylı hücumlarda Popoviçin yetirmələri iki dəfə fərqlənə bildi. Hər iki epizodda türkiyəlilərin müdafiə xətti mövqe səhvi ilə yadda qaldı. Montellanın komandası buraxılan ikinci qoldan sonra da hücumları davam etdirdi. Amma hücumlarda yaradıcı və kəskin qərarlar olmadığından müdafiədə say çoxluğu Avstraliyanın işinə yaradı. Beləliklə, mundiala böyük ümidlərlə gələn və hətta bəziləri tərəfindən sürpriz komanda olacağı proqnozlaşdırılan Türkiyə millisi turnirə uğursuz başladı.
D qrupu, 1-ci tur
Avstraliya – Türkiyə 2:0
Vamkuver. “Bi-Si Pleys” stadionu.
Hakim: Hesus Valensuela (Venesuela)
Avstraliya: Biç, Sirkati, Souttar, Burcess, İtaliano Geriya, 74), O’Nil, Okon-Engstler (İrvin, 84), Bos (Behiç, 84), İrankunda (Velupillay, 61), Metkalf, Ture (Yengi, 74).
Türkiyə: Çakır, Kadıoğlu, Barfakçı, Demiral, Çelik (Mərt Müldür, 81), Yüksek (Özcan, 81), Çalhanoğlu, Kökçü (Yusuf Akgün, 62), Arda Güler, Yılmaz (Kenan Yıldız, 46), Aktürkoğlu (Gül, 85).
Qollar: İrankunda, 27. Metkalf, 75.