FİFA milli komandaların iyun ayı üçün növbəti reytinq cədvəlini açıqlayıb. Son yenilənməyə əsasən, millimiz 2 pillə geriləyərək 1132 xalla 126-cı yerdə qərarlaşıb. Hesabat dövründə iki yoldaşlıq görüşü keçirən yığmamız Malta ilə oyunda məğlubiyyətlə (0:2) üzləşsə də, növbəti matçda San Marino üzərində çətin qələbə qazanıb (2:1).

Reytinq cədvəlində yığmamızın ən yaxın izləyicisi Estoniyadır (1130.64 xal). Azərbaycandan bir pillə öndə isə Surinam (1132.43 xal) yer alıb.

Yığmamızın Millətlər Liqasının D divizionundakı rəqibləri reytinqdə aşağıdakı kimi sıralanıblar: Litva 1056.85 xalla 149-cu, Lixtenşteyn isə 797.70 xalla 206-cı pillədə qərarlaşıb.

Dünyanın “Top-10″luğu:

FİFA reytinqinin ilk onluğuna son dünya çempionu Argentina başçılıq edir. Dünyanın ən güclü 10 komandasının ardıcıllığı isə belədir:

1. Argentina – 1877.27 xal

2. İspaniya – 1874.71 xal

3. Fransa – 1870.70 xal

4. İngiltərə – 1828.02 xal

5. Portuqaliya – 1767.85 xal

6. Braziliya – 1765.86 xal

7. Mərakeş – 1755.10 xal

8. Niderland – 1753.57 xal

9. Belçika – 1742.24 xal10. Almaniya – 1735.77 xal