Tarixdə ilk dəfə üç ölkənin – ABŞ, Kanada və Meksikanın birgə ev sahibliyi edəcəyi futbol üzrə dünya çempionatı bu gün start götürür. İdman dünyasının qəlbi növbəti bir ay ərzində Şimali Amerikada döyünəcək.
Tarixin ən genişmiqyaslı mundialının açılış matçı A qrupunda yer alan Meksika və Cənubi Afrika Respublikası yığmaları arasında baş tutacaq. Mexikonun əfsanəvi “Asteka” stadionunda təşkil olunacaq.
Bu çempionat həm də genişləndirilmiş formatı ilə tarixə düşəcək. İlk dəfə 48 komandanın iştirak etdiyi turnir üçün iştirak ərizələrinə ümumilikdə 1248 futbolçunun adı düşüb. Dünya çempionatları tarixində ilk addımlarını atan Kabo-Verde, Kürasao, İordaniya və Özbəkistan milliləri isə bu böyük səhnədə debüt həyəcanı yaşayacaqlar.
Ümumilikdə 104 qarşılaşmanın baş tutacaq və turnirin 78-i oyunu ABŞ stadionlarında keçiriləcək.
DÇ-2026-nın final mərhələsi
A qrupu, I tur
Meksika – Cənubi Afrika
Saat: 23:00
Stadion: “Asteka” (Mexiko)
Baş hakim: Vilton Sampayo (Braziliya)
Canlı yayım: İctimai TV, TRT Spor, Matç TV, Matç! Futbol 1