UEFA Çempionlar Liqasının pley-off mərhələsinin cavab oyunu çərçivəsində Bakıda keçiriləcək “Sabah” – “Hapoel” (Beer-Şeva, İsrail) qarşılaşmasına satılan biletlərin sayı açıqlanıb.
Klubun yaydığı məlumata görə, görüş üçün artıq 15 min bilet satılıb.
Qeyd edək ki, “Sabah” – “Hapoel” matçı avqustun 25-də Tofiq Bəhramov adına Respublika stadionunda keçiriləcək. Qarşılaşma saat 20:45-də başlayacaq.
Komandalar arasında İsraildə keçirilən ilk oyunda “Hapoel” 2:1 hesablı qələbə qazanıb. “Sabah”ın növbəti mərhələyə yüksəlməsi üçün Bakıda ən azı iki top fərqi ilə qalib gəlməsi tələb olunur.