Azərbaycan və Litva milliləri oktyabrın 4-də baş tutacaq qarşılaşmanın məkanı dəyişdirilib.
AFFA-nın rəsmi saytının yaydığı məlumata görə, matçın əvvəlcə Gəncə şəhərində keçirilməsi üçün UEFA-dan müvafiq razılıq alınsa da, tərəflər arasında aparılan əlavə müzakirələr və təşkilati, eləcə də logistik məsələlərin ümumi qiymətləndirilməsindən sonra oyunun Bakıda keçirilməsi qərara alınıb.
Stadion dəyişikliyi ilə bağlı UEFA-dan müvafiq razılıq alınıb. Qurumdan o da vurğulanıb ki, bu dəyişiklik Gəncə şəhərinin və stadionun qarşılaşmaya ev sahibliyi etməyə hazır olmaması ilə əlaqədar deyil. AFFA bundan sonra da milli komandaların oyunlarının paytaxtla yanaşı, ölkənin müxtəlif bölgə və şəhərlərində keçirilməsini prioritet istiqamətlərdən biri hesab edir.