Argentina millisinin kapitanı Lionel Messi dünya çempionatının başa çatmasının ardından ailəsi ilə birlikdə doğma şəhəri Rosarioya qayıdıb.
AFP agentliyinin məlumatına görə, 39 yaşlı futbolçu həyat yoldaşı Antonela Rokutso və üç övladı ilə şəxsi təyyarə vasitəsilə Santa-Fe əyalətinə gəlib. Daha sonra Messi adətən vətənə qayıdarkən məskunlaşdığı Rosarionun yaxınlığındakı Funes şəhərində yerləşən qapalı yaşayış kompleksinə yollanıb.
Messinin Argentinaya dönüşü atası və eyni zamanda agenti olan Xorxe Messinin səhhətində yaranan problemlərlə eyni vaxta təsadüf edib.
Messi DÇ-2026-da uğurlu çıxışı ilə diqqət çəkib. Təcrübəli hücumçu turnirdə 8 qol vurub, 4 məhsuldar ötürmə verərək Misir və İngiltərə ilə oyunlardakı möhtəşəm geridönüşlərdə əsas pay sahiblərindən biri olub.
Messi karyerasında dünya çempionatının finalında üçüncü dəfə meydana çıxıb. O, 2022-ci ildə Fransa üzərində qələbə qazanaraq dünya çempionu olub, 2014-cü ildə Almaniyaya, 2026-cı ildə isə İspaniyaya qarşı həlledici görüşdə məğlubiyyət yaşayıb.