BBC-nin məlumatına görə, FİFA DÇ-2026-nın iştirakçısı olan Haiti yığmasının oyun formasına etiraz edib. Qurumun rəsmi qaydalarına əsasən, komandaların geyimində hərbi döyüş səhnələrinin əks olunması qadağandır. Haiti Futbol Federasiyası qarşısında ciddi şərt qoyan FİFA formanın dizaynının dərhal dəyişdirilməsini tələb edib.
Haiti millisi mundialda debüt oyununu iyunun 14-də Şotlandiya yığmasına qarşı keçirəcək. Komandanın qarşılaşmaya qədər formadakı sözügedən elementləri kənarlaşdıra bilib-bilməyəcəyi maraqla gözlənilir.