FİFA prezidenti Canni İnfantinonun gəlirlərinin kəskin artması dünya mediasında geniş müzakirələrə səbəb olub. Xarici mətbuatda dərc olunan məlumatlarda İnfantinonun illər üzrə qazancının necə artdığı detallı şəkildə təqdim edilib.
Fransanın məşhur “Le Monde” qəzeti İnfantinonun maliyyə vəziyyətini yaxından izləyərək, onun 2016-cı ildə vəzifəyə başladığı vaxtdakı maaşı ilə bugünkü gəlirlərini müqayisə edib.
Gəlirlərin statistikası: 2016-dan bu günə
Məlumata əsasən, İnfantinonun illik qazancında ciddi sıçrayış müşahidə olunur:
2016-cı il: FİFA prezidenti seçildiyi ilk ildə onun illik maaşı 1,28 milyon avro olub.
2023-cü il: İkinci müddətə prezident seçildikdən sonra onun maaşı 2,7 milyon avro artırılıb.
Cari gəlir: FİFA-nın 12 noyabr 2025-ci ildə ABŞ rəsmilərinə təqdim etdiyi vergi bəyannamələrinə görə, İnfantinonun mükafatlar və digər bəyan edilməli gəlirlərlə birlikdə ümumi illik qazancı 5,27 milyon avroya çatıb.
Dünya çempionatının təsiri
Maaş artımında 2022-ci ildə Qətərdə keçirilən Dünya Çempionatının böyük rolu olub. Bildirilir ki, bu turnirin uğurlu təşkilinə görə İnfantino 1,77 milyon avro məbləğində birdəfəlik mükafat alıb.
2027-ci il planları
“Le Monde” qəzeti qeyd edir ki, qarşıdan gələn 2026-cı il Dünya Çempionatı İnfantino üçün maliyyə baxımından daha “əlverişli” bir dövr ola bilər. Eyni zamanda, onun 2027-ci ildə üçüncü və sonuncu müddətə namizədliyini irəli sürəcəyi gözlənilir.