Pep Qvardiolanın 10 illik möhtəşəm erasından sonra “Mançester Siti”nin yeni baş məşqçisi müəyyənləşib. “Şəhərlilər” vaxtilə klubda Qvardiolanın köməkçisi olmuş Entso Mareska ilə 3 illik müqavilə imzalayıb.
“Siti” bu keçid üçün “Çelsi”yə 20 milyon avro təzminat ödəyib. London klubundan mövsümün ortasında ayrılan italyan mütəxəssis isə sabiq klubu ilə yaranan bütün mübahisəli məsələləri yoluna qoyub və onlardan üzr istəyib.
Ötən mövsüm İngiltərə Premyer Liqasını 2-ci pillədə başa vuran “Mançester Siti”də Qvardiolanın gedişindən sonra yeni dövr məhz Mareska ilə başlayır.