Millimizin hücumçusu Mahir Emreli karyerasını Polşanın “Rakuv” klubunda davam etdirəcək. Çenstoxova təmsilçisinin rəsmi saytının məlumatına görə, 29 yaşlı forvard mövsümün sonunadək icarə əsasında bu komandanın şərəfini qoruyacaq. Müqavilə ilə Almaniyanın “Kayzerslautern” klubuna məxsus olan oyunçunun keçidi satınalma opsiyası ilə reallaşıb. “Rakuv” növbəti mərhələdə futbolçunun transfer hüquqlarına tam sahib çıxmaq imkanına malikdir.
