Məşhur simaların adının hallandığı narkotik cinayətləri ilə bağlı aparılan genişmiqyaslı istintaq çərçivəsində növbəti həbs baş verib. Türkiyə millisinin və “Qalatasaray”ın sabiq futbolçusu Ümit Karan Sabiha Gökçen Hava Limanında saxlanılıb. Türkiyə mətbuatının məlumatına görə, əməliyyat İstanbul Baş Prokurorluğu tərəfindən idarə olunur. Bildirilir ki, bu, təkcə Ümit Karanı deyil, bir neçə tanınmış simanı əhatə edən genişmiqyaslı “məşhurlara narkotik operasyonu”dur. Prokurorluq Karanın şübhəli qismində saxlanılması üçün rəsmi göstəriş verib. O, dərhal İstanbul Emniyyət Müdirliyinə (Narkotik Cinayətlərlə Mübarizə Şöbəsinə) aparılıb. Hələlik Ümit Karanın vəkili tərəfindən rəsmi bir müdafiə bəyanatı yayılmayıb.
