Azərbaycan milli komandasının baş məşqçisi Ayxan Abbasov və yığmanın direktoru İlqar Qurbanov Antalyada millinin hücumçusu Renat Dadaşovla bir araya gəliblər.
AFFA-nın mətbuat xidmətinin yaydığı məlumata görə, görüş Türkiyədə təlim-məşq toplanışında olan Azərbaycan klublarını və futbolçuları izləmək məqsədilə reallaşıb. Qeyd edək ki, Dadaşovun çıxış etdiyi Polşanın “Motor” (Lublin) klubu da hazırda hazırlıq prosesini Antalyada keçirir.
Yığmanın rəhbərliyi 26 yaşlı hücumçunun hazırkı durumu və hazırlıq səviyyəsi ilə yaxından maraqlanıb, ona mövsümün ikinci yarısında uğurlar arzulayıblar.