Azərbaycan Premyer Liqasında V turun oyunları davam edir. Gəncə şəhər stadionunda keçirilən qarşılaşmada “Kəpəz” doğma meydanda “Qəbələ”ni qəbul edib. Gərgin mübarizə şəraitində keçən görüşün taleyini bir qol həll edib.
İlk hissədə komandalar fərqlənə bilməyib və fasiləyə 0:0 hesabı ilə yollanıblar. Matçda hesab 64-cü dəqiqədə açılıb. Viktor Stina “Kəpəz”i önə keçirib. Qalan dəqiqələrdə “Qəbələ” hesabı bərabərləşdirməyə çalışsa da, Gəncə təmsilçisi üstünlüyünü qoruyaraq meydanı üç xalla tərk edib.
Beləliklə, “Kəpəz” V turda “Qəbələ”ni minimal hesabı ilə məğlub edib.
KƏPƏZ – QƏBƏLƏ 1:0 (0:0)
Stına, 64 (1:0)
Baş hakim – Tural Qurbanov.
Kəpəz: Rojerio Santos, Namiq Ələsgərov (Benito, 69), Urfan Abbasov, David Domjoni, Kennet Kalunqa (Rəhman Hacıyev, 82), Azuma Abubakar, Viktor Stına (Vadim Abdullayev, 89), Mahamadu Ba (Desmond Akua, 46), Adama Fofana, Mate Abuladze, Əli Səmədov (k) (Şakir Seyidov, 70).
Qəbələ: Səlahət Ağayev (k), Eshgin Əhmədov (Ziya Şəkərxanov, 74), İsmahil Akinade, Karim Rossi, Xayme Syerra, Şahin Şahniyarov (Fərid İsgəndərov, 65), Kouya Mabea, İsaak Amoa, Natan Monzanqo, Meşak Uboçioma (Brunu Silva, 65), Edson (Nicat Əliyev, 74).
Xəbərdarlıq: Rossi, Monzanqo, Benito. Gəncə, Şəhər stadionu.