“Barselona”nın sabiq müdafiəçisi 38 yaşlı Xerard Pike ispan mətbuatına La Liqa hakimlərinin qərəzli mövqeyi haqqında danışıb. Onun sözlərinə görə, hakimlər daim oyunun nəticələrinə təsir etməklə “Kral klub”una kömək edirlər: “Həmişə demişəm ki, La Liqanın bütün hakimləri eynidir və hamısı da “Real”ın azarkeşidir. İnsanlar hesab edir ki, topu oyuna daxil etmək, qayda pozuntusu və künc zərbələri kimi xırda şeylərin əhəmiyyəti yoxdur. Bunlar oyunun axarına ciddi təsir etmir. Ancaq bu belə deyil? Bu detalların hamısı çox vacibdir. Bu kiçik detallar oyunun gedişini dəyişir və madridlilərdə bundan daim xeyirləri üçün istifadə edirlər”.
Xatırladaq ki, 2022-ci ilin sonunda karyerasını bitirən Pike “Barselona”nın formasında bütün yarışlarda 600-dən çox oyuna çıxıb.