“Barselona”nın və Polşa millisinin ulduz hücumçusu Robert Levandovski artıq bu il yaşıl meydanla vidalaşa bilər.
37 yaşlı forvardın yay transfer pəncərəsində Kataloniya klubundan ayrılacağı gözlənilir. Təcrübəli oyunçunun karyerasını harada davam etdirəcəyi hələlik sual altındadır. MLS (ABŞ) və Səudiyyə Ərəbistanı klubları polşalı qolçu ilə yaxından maraqlansa da, hələ ki, rəsmi və konkret bir təklif daxil olmayıb.
Futbol əfsanəsinin həyat yoldaşı Anna Levandovska isə ərinin gələcək planları ilə bağlı sensasiyalı açıqlama verib. “Twój STYL” nəşrinə müsahibəsində Anna, futbolçunun artıq 2026-cı ildə karyerasını bitirərək özünü ailəsinə və övladlarına həsr edə biləcəyini deyib:
“Ona dedim ki, öz arzularımı reallaşdırmaq üçün onun karyerasını bitirməsini gözləmək niyyətim yoxdur. Futboldan mümkün qədər tez getməsini istəyirəm”.